டெலிபதிகிரிதர்பாபா

27 நட்சத்திர லோகங்களுக்கும் பூமிக்கும் நெருங்கிய தொடர்பு உண்டு. எனவே தான் ஜீவ வாழ்க்கையை திரிகோண, முக்கோண யந்திரச் சக்கரமாக, நட்சத்திரங்கள் - பூமி - ஜீவன்கள் ஆகிய மூன்றும் சம்பந்தப்பட்ட "த்ரிபாதா ஜீவ யந்திரமாக" - சித்தர்கள் விளக்குகின்றார்கள். 27 நட்சத்திரங்களுக்கு உரித்தான பூஜைகளில் ஒன்றாக சற்குரு குருமங்கள கந்தர்வா ஸ்ரீலஸ்ரீ வேங்கடராம சுவாமிகள் தம் சற்குருநாதராம் சிவகுரு மங்கள கந்தர்வா ஸ்ரீலஸ்ரீ இடியாப்ப ஈச சித்த சுவாமிகள் அருளாசியின் படி "ஸ்ரீஅகஸ்தியர் நட்சத்திர வாக்கிய ரோகிணி சந்திர சக்கரம்" என்ற எளிமையான வழிபாட்டு முறையாக அளித்தருள்கின்றார். இங்கே கொடுக்கப்பட்டுள்ள "ஸ்ரீஅகஸ்தியர் நட்சத்திர வாக்கிய ரோகிணி சந்திர சக்கரத்திற்கான" விசேஷ மந்திரங்களையும் இங்கே பகிர்ந்தளிக்கின்றோம். ஒவ்வொரு நட்சத்திர தேவதா மூர்த்திகளுக்கும் முறையே 27 நட்சத்திர தேவதைகளுக்குண்டான மந்திரங்களை முறையோடு

உச்சரித்து, தாமே தம் கையால் அரைத்த சந்தனத்தினை, அனைத்து நட்சத்திர சக்கரத்திலும் அல்லது அவரவருடைய நட்சத்திர சக்கரத்தில் வைத்து பூஜை செய்தல், நம்முடைய வாழ்நாளில் தினசரி நிகழ்த்தும் "கால தேவதா" பூஜையாக கருதப்படுகின்றது.